Kusuriya no Hitorigoto (2023)

Translated & Encoded by Iceberg

Total Episodes: 24
Studio: OLM, TOHO animation STUDIO
Genres: Drama, Mystery
Theme: Historical, Medical
Source: Light novel

“မိန်းကလေးတွေဆိုတာ ပန်းလေးတွေလိုပဲ...”

အမျိုးအစားပေါင်း မြောက်များစွာရှိတဲ့ပန်း‌လေးတွေဟာ တစ်ပွင့်နဲ့တစ်ပွင့် လှပုံခြင်းမတူညီကြပေမဲ့ ပန်းတိုင်းဟာ သူ့ဟန်နဲ့သူ လှကြတာပဲမဟုတ်လား။ ထိုနည်းတူ မိန်းမသားတွေဆိုတာလည်း ပန်းလေးတွေလိုပဲ တစ်ယောက်ကိုတစ်မျိုး တင့်တယ်လှပကြစရိုးပါ။

ဂရုတစိုက်အလေးထားတတ်တဲ့သူလက်ထဲက ပန်းလေးတွေသာလျင် ငွားငွားစွင့်စွင့် လှလှပပ ပွင့်လန်းရှင်သန်နိုင်မှာဖြစ်ပြီး၊ အလှတရားကို ချစ်မြတ်နိုးတတ်တဲ့နှလုံးသားတစ်စုံနဲ့ ဂရုစိုက်အလေးထားခြင်းတွေမရှိတဲ့သူလက်ထဲက ပန်းလေးတွေဆိုတာ အချိန်မတန်ခင် ခြောက်သွေ့ကြွေလွင့်မှာ ဧကန်မလွဲသလို၊ မိန်းမသားတွေလက်ထဲ အခွင့်အာဏာနည်းပါးတဲ့ သက်ဦးဆံပိုင်ပဒေသရာဇ်ခေတ်ကြီးထဲ ပတ်ဝန်းကျင်ဆိုး ယောက်ျားဆိုးလက်ထဲရောက်သွားတဲ့မိန်းကလေးတစ်ယောက်ရဲ့ဘဝဟာလည်း အလားတူပင်ဖြစ်တယ်။

ဒီကားထဲမှာဆိုရင် ပဒေသ‌ရာဇ်‌ခေတ်တစ်ခုရဲ့အလွှာပေါင်းစုံက ‌ပန်းမျိုးစုံရဲ့ဇာတ်လမ်းတွေကို ရှုထောင့်စုံကနေ ဝမ်းသာဖွယ် ဝမ်းနည်းဖွယ်၊ စိတ်တိုဖွယ် စိတ်မကောင်းဖွယ်၊ စိတ်ဝင်စားဖွယ် ဂရုဏာသက်ဖွယ် ရသစုံလင်နဲ့ မြင်တွေ့ရှုစားရမှာပါ။

===

နန်းမြို့တော်တွင်းတစ်နေရာက ဆောင်ကြာမြိုင်တန်းဟာ ကျွန်တော်တို့ရဲ့ဇာတ်လိုက်ကျော် ဆေးဆရာမပေါက်စလေး Maomao ရဲ့ဇာတိနဲ့ ရှင်သန်ကျက်စားရာပေါ့။ Maomao ဟာ ထက်ထက်မြက်မြက် သွက်သွက်လက်လက်ရှိသလို ရေလိုက်ငါးလိုက် အလိုက်အထိုက်လည်းနေတတ်တယ်။ သို့သော် ကြောင်တစ်ကောင်အလား စူးစမ်းစပ်စုချင်စိတ် အင်မတန်ပြင်းပြတာကတော့ သူ့ရဲ့ထိန်းမရတဲ့ဗီဇနဲ့ တစ်ခုတည်းသောအားနည်းချက်လို့ ဆိုရပါမယ်။

ဖခင်ဖြစ်သူ ဆေးဆရာအိုကြီးရဲ့လွှမ်းမိုးမှုကြောင့် အဆိပ်နဲ့ ဆေးဝါးပညာလေ့လာရတာကိုလည်း သိပ်ဝါသနာကြီးရူးသွပ်တဲ့ Maomao ဟာ တစ်နေ့မှာ ကံမကောင်းအကြောင်းမလှစွာနဲ့ လူဖမ်းသမားတွေရဲ့ဖမ်းဆီးတာကိုခံရပြီး အနောက်နန်းတော်ကို အစေခံအဖြစ် ရောင်းစားခံလိုက်ရပါတယ်။

အပြုအမူလေး တစ်ခုမှားခြင်းကတောင် အခန့်မသင့်ဘဲ ရာဇဝတ်ဒဏ်သင့်ရင် ခေါင်းတန်းပြုတ်နိုင်တဲ့ နန်းတွင်းမှာ အစေခံလုပ်နေရတာဖြစ်တဲ့အလျောက်၊ Maomao လည်း ပြဿနာတွေကိုမဖိတ်ခေါ်မိရလေအောင် မခုတ်တတ်တဲ့ကြောင်အလား ဘာမှမသိ ဘာမှမတတ်ချင်ယောင်ဆောင်ပြီး ကုပ်ကုပ်‌လေးနေနေတာ‌ပေါ့။

ဒါပေမဲ့ Maomao အနောက်နန်းတော်ကိုရောက်ပြီး ၃ လအကြာမှာကြားသိရတဲ့ ဧကရာဇ်မင်းရဲ့ ဖွားမြင်သမျှ နန်းမွေခံအားလုံးကို အင်အားချည့်နဲ့ပြီး သေစေတဲ့ “အနောက်နန်းတော်ရဲ့နန်းညွန့်တုံးကျိန်စာ” ဆိုတဲ့ သူ့အတွက် ဘဝင်မကျစရာကိစ္စကြီးမှာ လူမသိသူမသိ တိတ်တဆိတ်နဲ့ နောက်ကွယ်ကနေ မသိမသာ ဝင်ပါကူညီလိုက်မိပါတယ်။

စေတနာက ဝေဒနာဖြစ်သွားတယ်ပဲ ပြောရမလား၊ ကံဆိုးမ,သွားရာ မိုးလိုက်ရွာသလို ဒီလောက်သတိကြီးကြီးထားပြီး လှုပ်ရှားခဲ့တာတောင် ရုပ်ရည်ချောမောပြီး အင်မတန်ထက်မြက်တဲ့ အနောက်ဆောင်ထိန်းမိန်းမစိုးကြီး Jinshi ကနေ ဒီအရေးကိစ္စရဲ့ နောက်ကွယ်ကဝင်ပါသူအကြောင်းရိပ်စားမိပြီး အစေခံတန်းလျားကို စစ်ဆေးရေးဝင်တဲ့အခါမှာတော့ Maomao တစ်ယောက် ခေါင်းတွေကိုက်ရပါတော့မယ်။

Direct Download Links
(BDRip 1080p AAC & FLAC)