Dorohedoro (2020)

Translated & Encoded by Iceberg

Total Episodes: 12

Studio: MAPPA

Genres: Action, Comedy, Fantasy, Horror

Theme: Gore

Demographics: Seinen

Source: Manga

မှော်ဆရာ... ကိုယ်ကျိုးအပြင် ဘာမှမကြည့်တတ်ကြတဲ့ နတ်ဆိုးပေးတဲ့ကောင်းချီးနဲ့ ယုတ်ညံ့တဲ့ဖြစ်တည်မှုတွေ။ မှော်ဆရာတွေဟာ သူတို့ရဲ့မှော်ကြောရှိရာ လက်ချောင်းထိပ်တွေကနေ မီးခိုးငွေ့တွေကိုထုတ်လွှတ်ပြီးတော့ အသီးသီး အထုံပါရာမှော်တွေကို သုံးနိုင်ကြပါတယ်။ ဒါတင်မကဘဲ အရာဝင်တဲ့မှော်ဆရာတိုင်းဟာ အချိန်အခါ‌၊ နေရာမရွေးဖွင့်နိုင်ပြီး လိုရာအရပ်ကိုခြေချနိုင်တဲ့ တံခါးပေါက်တွေကို မှော်နဲ့ဖန်ဆင်းနိုင်စွမ်းရှိကြပါတယ်။ အဲဒါကြောင့်ပဲ တခြားလောကတွေကို အလွယ်တကူ ချဥ်းနင်းဝင်ရောက်နိုင်စွမ်းရှိကြပြီး တကယ်လည်း ချဥ်းနင်းဝင်ရောက်ကာ ထင်တိုင်းကြဲတတ်ကြတဲ့ကောင်တွေပါ။

Hole... အမှောင်ထုရဲ့စိုးမိုးခြင်း‌ကြောင့် အနက်ရောင်တိမ်တိုက်တွေနဲ့ အုံ့ဆိုင်းပြီး အမြဲတစေ ညို့မှိုင်းနေတဲ့ကောင်းကင်၊ ပြောစရာမရှိအောင် ညစ်ပတ်စုတ်ပြတ်ဂျွတ်တက်နေတဲ့ ရေမြေပတ်ဝန်းကျင်နဲ့ တရားဥပဒေစိုးမိုးမှုမရှိဘဲ ဖြစ်ချင်တိုင်းဖြစ်နေကြတဲ့အတွက်ကြောင့် ဖြစ်ထွန်းခြင်းမရှိဘဲ ပျက်သုဥ်းခြင်းများသာရှိပြီး အမင်္ဂလာအပေါင်းနဲ့ခညောင်းနေတဲ့ ခေတ်ပျက်ကမ္ဘာတစ်ခုက မြို့ပျက်ကြီးဟာ ခေတ်ကာလအဆက်ဆက် မှော်ဆရာတွေရဲ့စားကျက်မြေဖြစ်ခဲ့ပါတယ်။

Caiman... ဖွတ်မှော်ကိုသုံးတဲ့ မှော်ဆရာတစ်ယောက်ရဲ့လက်ဆော့ခြင်းကြောင့် ဖွတ်ခေါင်းလူသားဘဝနဲ့ရှင်သန်နေရတဲ့ ဗလကြီး။ ဆန်းတာတစ်ခုက Caiman ဟာ အဆိုပါဖွတ်မှော်ထိပြီးတဲ့ကတည်းက အတိတ်ပါမေ့သွားပြီး အရင်ကမှတ်ဉာဏ် တစ်ခုမှမရှိတော့တာပါ။ ကံဆိုးပေမဲ့ အဖြစ်မဆိုးခဲ့ဘူးလို့ ပြောလို့ရစေမယ့်အချက်ကတော့ Caiman ဟာ မှော်ထိပြီးနောက်မှာ သူ့ကိုရှာတွေ့ပြီးတော့ အစစအရာရာ လိုက်ကူညီပေးခဲ့တဲ့ Nikaido ဆိုတဲ့ဘော်ဒါမလေးကို ပိုင်ဆိုင်ထားတာပါပဲ။ ဒီလိုနဲ့ Caiman တစ်ယောက် တဖြည်းဖြည်း Hole မှာအခြေကျပြီးတဲ့နောက်ပိုင်းမှာတော့ သူ့ကိုလက်ဆော့သွားတဲ့‌ မှော်ဆရာကိုရှော့၊ သူထိထားတဲ့မှော်ကိုဖြေပြီး ဘဝမှန်ကိုပြန်ပိုင်ဆိုင်နိုင်ဖို့ဆိုတဲ့ ရည်မှန်းချက်ကိုလက်ဆုပ်ကိုင်ကာ၊ ချစ်သူငယ်ချင်း Nikaido နဲ့အတူတူ Hole ကို လာကမြင်းကြောထတဲ့မှော်ဆရာတွေကိုလက်စတုံးပေးရင်း Dorohedoro ဆိုတဲ့ဇာတ်လမ်းတစ်ပုဒ် အစချီလာခဲ့ပါတော့တယ်။

Dorohedoro ဟာ ၂၀၀၀ ခုနှစ်ကနေ ၂၀၁၈ ခုနှစ်အထိ ၁၉ နှစ်ကြာ၊ စုစုပေါင်း ၂၃ တွဲ (၁၆၇ ခန်း) ထုတ်ဝေခဲ့တဲ့ ဆရာမ Hayashida Q ရဲ့လက်‌ရာကောင်းတစ်ခုပါ။ ခေတ်ပျက်ကာလမှာ ဇာတ်အိမ်တည်ထားပြီးတော့ R-rated ဖြစ်တာနဲ့အညီ ချခန်းတိုင်းက ပက်ပက်စက်စက်ကိုကြမ်းပါတယ်။ ဒါကြောင့် တစ်ပိုင်းချင်းတစ်ပိုင်းချင်းစီဟာ အားရစရာကောင်းပြီး ကြည့်ရှုသူတွေကို ဆွဲခေါ်သွားနိုင်စွမ်းရှိမှာမလို့ ဇာတ်လမ်းအရသာမပျက်အောင် ရိုင်းရိုင်းစိုင်းစိုင်းပဲ ဘာသာပြန်ဆိုပေးထားပါတယ်။ အဖွင့်သီချင်း၊ အပိတ်သီချင်း ၆ ပုဒ်နဲ့ ဇာတ်ကောင် ost အစအဆုံးအကုန်လုံးကို (K)NoW_NAME အဖွဲ့ကပဲ စီစဉ် သီဆိုပေးထားပြီးတော့ Sequel (Season အသစ်) ဆက်ထွက်မယ်လို့လည်း တရားဝင်ကြေညာထားပြီးပြီပဲဖြစ်ပါတယ်။

Direct Download Links
(BDRip 1080p AAC)