Ojou to Banken-kun (Fall 2023)

Translated & Encoded by Iceberg

Studio: Project No.9

Genres: Romance

Theme: School

Demographics: Shoujo

Source: Manga

Isaku ဟာ အသက် ၅ နှစ်အရွယ်မှာ မိဘနှစ်ပါးလုံးကို ကားမတော်တဆမှုကြောင့် ဆုံးရှုံးလိုက်ရတဲ့အတွက် အဖိုးဖြစ်သူ ယာကူဇာဂိုဏ်းချုပ်ရဲ့ အုပ်ထိန်းမှုလက်အောက်ကိုရောက်ရှိခဲ့ပြီး Senagaki ဂိုဏ်းမိသားစုဝင်တစ်ယောက်အဖြစ်နဲ့ ကြီးပြင်းလာခဲ့တဲ့ ကောင်မလေးတစ်ယောက်။

မူလတန်းကျောင်းသူဘဝကတည်းက ယာကူဇာဂိုဏ်းမိသားစုဝင်ဖြစ်တယ်ဆိုတဲ့အချက်ကြီးကြောင့် အတန်းဖော်တွေရဲ့ ဖယ်ကြဉ်ခြင်းကိုခံခဲ့ရတဲ့ သူ(မ)ဟာ ၁၅ နှစ်အရွယ် အထက်တန်းကျောင်းသူဘဝရောက်တဲ့အခါမှာတော့ ဒီဒုက္ခတွေကို မခံချင်တော့တဲ့အတွက် အိမ်နဲ့ဝေးရာအရပ်က ကျောင်းကိုလျှောက်ခဲ့ပါတယ်။

ဒါပေမယ့် အထက်ပါအ‌ကြောင်းပြချက်ကဝောာ့ ဟန်ပြပါ။ အမှန်တကယ် သူ အိမ်နဲ့ဝေးရာကို ထွက်ချင်ရတဲ့အကြောင်းအရင်းကတော့ Isaku တစ်ယောက် သူ့ကိုငယ်ငယ်ကတည်းက ထိန်းကျောင်းပေးခဲ့တဲ့ သူ့ရဲ့သက်တော်စောင့်တစ်ဖြစ်လဲ၊ ၂၆ နှစ်အရွယ် အဖိုးဖြစ်သူရဲ့ညာလက်ရုံး Utou Keiya ကို တစ်ဘက်သတ်ချစ်မိနေခဲ့တာ ကြာပါပြီ။

သူ့ခံစားချက်တွေဟာ ဘယ်လောက်ပဲ နက်ရှိုင်းနေပါစေ၊ သွေးထွက်သံယို ရန်ပွဲတွေ၊ သွေးကြွေးဆပ်ပွဲတွေနဲ့ချည်း ပြည့်နှက်နေတဲ့ ယာကူဇာမိသားစုထဲ ခုလိုအချစ်မျိုးဆိုတာ ပေါက်ဖွားလာလည်း ကောင်းတဲ့အဆုံးသတ်ဆီ ဦးတည်စေမှာမဟုတ်မှန်း သိနေတဲ့အတွက်ကြောင့်ပဲ သူ့ခံစားချက်တွေ မှေးမှိန်ပျောက်ကွယ်သွားရလေအောင် Keiya နဲ့ဝေးရာကို ရှောင်ပြေးဖို့သာ စီစဉ်ခဲ့တာပါ။

သို့ပေမယ့်လည်း ကျောင်းစတက်တဲ့ပထမဆုံးနေ့မှာတင် အထက်တန်းကျောင်းသားအသွင်ယူပြီး သူနဲ့အတူတူ ကျောင်းလာတက်တဲ့ Keiya ကို မြင်လိုက်ရတဲ့အခါမှာတော့ အံ့ဩလုံးစို့ကာ ဒေါတွေပွပြီး လေသေနတ်လွှတ်ပါတော့တယ်။

အဲဒီအချိန်ကစပြီး Keiya ဘက်က အစိုးရိမ်လွန် အကာကွယ်အလွန်တာတွေ၊ မောင်ပိုင်စီးချင်စိတ်တွေကို တဖြည်းဖြည်း မြင်လာရတဲ့အခါမှာတော့ Isaku လေးအနေနဲ့ ဒီခံစားချက်တွေဟာ သူ့ရဲ့တစ်ဘက်သက်ခံစားချက်သက်သက်မဟုတ်ဘဲ နှစ်ဦးနှစ်ဘက်ထပ်တူကျတဲ့ ခံစားချက်ဖြစ်နိုင်ခြေရှိတယ်ဆိုတဲ့ မျှော်လင့်ချက်ကလေးဖြစ်တည်လာရာကနေ ဖွင့်ဟဝန်ခံဖို့အထိဖြစ်လာမှာကို ရင်တမမ၊ အရွှမ်းဖောက်ထားတဲ့ ဟာသလေးတွေကိုခွီးရင်း စောင့်မျှော်ကြည့်ရှုရမှာပါ။

DDL (WEB-Rip 1080p)