Skip to Loafer (2023)

Translated & Encoded by Iceberg

Opening Theme Kfx. by Kaitou

Total Episodes: 12

Studio: P.A. Works

Genre: Drama

Theme: School

Demographic: Seinen

Source: Manga

Synopsis.

ဒါကတော့ ရထားလိုင်းကပါ ထားသွားရလောက်အောင် ဒေသခံလူဦး‌ရေနည်းပါးပြီး ချောင်ကျတဲ့ Ishikawa ခရိုင်၊ Ikajima မြို့က ရိုးရိုးအအ ပုံတုံးတုံးနဲ့ Iwakura Mitsumi ဆိုတဲ့ကောင်မလေးရဲ့ ဘဝခရီးလမ်း အခန်းကဏ္ဍတစ်ခုအကြောင်း ဇာတ်လမ်းလေးတစ်ပုဒ်...

Mitsumi ဟာ ရည်မှန်းချက်ကြီးသူတစ်ယောက်ပီပီ စာတော်တယ်၊ သူ့ကိုယ်သူ အင်မတန်ယုံကြည်မှုရှိတယ်ဆိုပေမဲ့ လက်တွေ့မှာတော့ လုပ်လိုက်တိုင်း အလွဲအချော်ပေါင်း သောင်းခြောက်ထောင်နဲ့ညားပြီး တိုင်ပတ်နေတတ်သူလေး‌ပါ။ ရှေ့ရေးကို သိပ်မျှော်တွေးလေ့ရှိပြီး “စင်းလုံး‌ချော” ဆိုတဲ့စကားလုံးကို လက်ကိုင်စွဲထားတဲ့ လူစားမျိုးလည်းဟုတ်ပေမဲ့ အလယ်တန်းတစ်လျှောက်လုံး စိတ်ချင်းနီးစပ်တဲ့ နယ်ခံအတန်းဖော် ၈ ယောက်တည်းနဲ့ ဖြတ်သန်းခဲ့ရတဲ့အတွက် မသိတဲ့အပြင်လူ၊ သူစိမ်း‌တွေနဲ့ လူမှုဆက်ဆံရေးကတော့ သိပ်တော့မဟန်လှပါဘူး။

နဂိုကတည်းက သိပ်မဟန်ပါဘူးဆိုနေမှ အထက်တန်းသွားတက်မယ့် တိုကျို‌မြို့ပေါ်က မတူကွဲပြားလှတဲ့ စိတ်နေစိတ်ထားတွေ၊ အကျင့်စရိုက်တွေအပြင် မျက်နှာအမျိုးမျိုးရှိကြတဲ့ သက်တူရွယ်တူတွေနဲ့ အတန်းဖော်ဖြစ်လာတဲ့အခါမှာတော့ Mitsumi အနေနဲ့ သူတို့ကြားထဲဝင်ဆံ့ဖို့ရာ ပူပင်စရာများရပါပြီ။

ဆိုတော့ကာ ဘဝခရီးလမ်းမှာ အကောင်းဆုံးအတွေ့အကြုံတွေကိုသာ လိုလားတဲ့ ဂွမ်းစိန်လေး Mitsumi တစ်ယောက် အဲဒီလိုအခက်အခဲတွေကြားထဲကနေ သူစိတ်ကူးထားတဲ့အတိုင်း စင်းလုံးချောတဲ့ တိုကျိုအထက်တန်းကျောင်းသူဘဝလေးကို ဘယ်လိုများ ဖန်တီးတည်ဆောက်သွားမလဲဆိုတာကို ပီတိဖြာ အပြုံးပန်းဝေကာ နှလုံးစိတ်ဝမ်းချမ်းချမ်းမြေ့မြေ့နဲ့ ဇာတ်လမ်းလေးထဲမှာကြည့်ရှုလိုက်ကြရအောင်လားဗျာ~~

ဒီကားလေးဟာ စိတ်အပန်းဖြေလို့ အင်မတန်ကောင်းပြီးတော့ ထင်မထားရလောက်တဲ့ လေးနက်မှုလေးတွေလည်း နှောပါပါတယ်။ ဒါ့အပြင် ဇာတ်ကောင်အသံသရုပ်ဆောင်ပိုင်းမှာလည်း လိုက်ဖက်ညီနေမှုတွေကြောင့် ဝေဖန်ရေးဆရာတွေရဲ့ အချီးကျူးခံနေရတဲ့အပြင် အဖွင့်အပိတ်သီချင်းတွေကလည်း နားထောင်လို့ကောင်းပြီး ၂၀၂၃ နွေဦးရာသီရဲ့ Hidden gem လို့ပြောလို့ရတဲ့ကားမျိုးဖြစ်တဲ့အတွက် ဒီ Skip to Loafer ကားလေးကို သဘောကျရင် အကြိုက်ချင်းသူတဲ့ မိတ်ဆွေသူငယ်ချင်းတွေကိုပါ နှစ်သက်ရာနည်းနဲ့ လက်တို့မျှဝေပေးပြီး အားပေးကြပါဦးဗျ။

Download Links

(BDRip 1080p AAC)