RWBY: Volume 1 (2013)

Translated & Encoded by Iceberg

• Type: Web Series

• Genres: Action, Science Fantasy, Adventure

• Total Episodes: 16

❲ RWBY ကို ညွှန်းဖို့ဆို Remnant ကမ္ဘာရဲ့သမိုင်းကြောင်းကို ချန်လှပ်ထားခဲ့လို့မရတဲ့အတွက် စာအနည်းငယ်‌တော့ ရှည်ပါမယ်ခင်ဗျာ။ ❳

ကျွန်တော်တို့ကမ္ဘာနည်းတူ ဒီဇာတ်လမ်းရဲ့ဇာတ်အိမ်တည်ရာ Remnant ကမ္ဘာမှာလည်းပဲ၊ တခြားသော သက်ရှိတို့ထက် ဉာဏ်ရည်မြင့်မားခြင်းနဲ့ ရောက်လေရာပတ်ဝန်းကျင်မှာ ‌လိုက်လျောညီထွေစွာ အလိုက်သင့်ပြောင်းလဲနေထိုင်နိုင်စွမ်းတို့ကို ဖြစ်တည်လာကတည်းက ပိုင်ဆိုင်ထားကြတဲ့ လူသား‌‌တွေဟာ အချိန်တစ်ခုရောက်တဲ့အခါမှာ ဂေဟစနစ်ကြီးကို စိုးမိုးလာနိုင်ခဲ့ကြတယ်။ မတူတဲ့တစ်ချက်ကတော့ သူတို့ကမ္ဘာမှာ ရိုးရိုးလူသားအပြင်ကိုမှ တိရစ္ဆာန်ဗီဇတွေနှောပါနေတဲ့ Faunus ဆိုတဲ့ တိ-လူသား ကပြားတွေပါ ရှိနေတာပေါ့။

အဲ့သလို လူသားတွေ ကုန်းမြေထု‌ကိုကြီးစိုးနေစဉ်အခိုက် ကမ္ဘာ့အမှောင်ကျအရပ်တွေရဲ့ အမှောင်ထုတွေထဲ ဖြစ်တည်မွေးဖွားလာပြီး နက်မှောင်တဲ့အရောင်အဆင်းနဲ့ အမျိုးမျိုးသော သားရဲတိရစ္ဆာန်တို့ရဲ့အသွင်သဏ္ဌာန်အသီးသီးရှိကြတဲ့၊ လူတို့အခေါ် Grimm ဟူသော အမှောင်ဖွားမိစ္ဆာတွေဟာ မှောင်ရိပ်တွေထဲက ပေါ်ထွက်လာကာ လူသားရော Faunus မကျန် အကုန်လုံးကို အမဲဖျက်ပြီး ကမ္ဘာကြီးကို ငါးပါးမှောက် ပျက်ကပ်ဆိုက်စေပါတော့တယ်။

Grimm တွေကို ဘယ်လိုမှ တွန်းလှန်တိုက်ခိုက်နိုင်စွမ်းမရှိတဲ့အတွက် မျိုးသုဉ်းလုနီးနီးအခြေအနေဆီ တွန်းပို့ခြင်းခံရနေတဲ့ လူသားတို့နဲ့ Faunus တို့ရဲ့ကံကြမ္မာဟာ နောင်တစ်ချိန်မှာ Dust လို့ အမည်ပေးခြင်းခံရမယ့် မှော်ဆန်တဲ့အမှုန်အား ရှာဖွေတွေ့ရှိခြင်းနဲ့အတူ မျှော်လင့်ချက်ရောင်ချည်သမ်းလာခဲ့တယ်။ သူတို့ဟာ Grimm တွေအပေါ် ထိရောက်မှုမရှိတဲ့ သူတို့ရဲ့လက်နက်တွေကို Dust အမှုန်တွေနဲ့ပေါင်းစည်းပြီး ပြန်တိုက်ကြတဲ့အခါမှာတော့ Grimm တွေကို ချေမှုန်းနိုင်ခဲ့ပြီး ခေတ်သစ်တစ်ခုဆီ လမ်းဖောက်လုပ်နိုင်ခဲ့ကြတယ်။

သို့သော်လည်း ကမ္ဘာပေါ်မှာ မှောင်ရိပ်လွှမ်းအရပ်ဒေသတွေရှိနေသေးသ၍ အဆက်မပြတ်ကို ပေါ်ပေါ်ထွက်လာနေတဲ့ Grimm တွေကြောင့် Huntsman နဲ့ Huntress (Grimm အမဲဖျက်မုဆိုး) ဆိုတဲ့ အလုပ်အကိုင်တစ်ခုပေါ်ထွက်လာခဲ့ပြီး သူတို့ကပဲ အစဉ်အမြဲ Grimm တွေနဲ့ တိုက်ပွဲဝင်ကာ လူထုကို Grimm တွေရဲ့ဘေးရန်က ကာကွယ်ပေးခဲ့ကြတယ်။ အချိန်ကြာလာတာနဲ့အမျှ တိုးပွားလာတဲ့ ဒီအလုပ်အကိုင်နဲ့ အသက်မွေးဝမ်းကျောင်းပြုမယ့် လူငယ်တွေကို ကျွမ်းကျင် Huntsman, Huntress တွေ ဖြစ်လာအောင် လေ့ကျင့်‌၊ ပညာသင်ကြားပေးမယ့်ကျောင်းတော်ကြီးတွေကိုလည်း တစ်စတစ်စ တည်လာခဲ့ကြတာပေါ့။

ဒီလိုနဲ့ပဲ Grimm ခြိမ်းခြောက်မှုတွေလျော့ကျလာခဲ့ပြီး ကြမ္မာတစ်ကျော့ပြန်လည်မှာကတော့ ရည်မှန်းချက်ကိုယ်စီ၊ အကြောင်းအရင်းကိုယ်စီနဲ့ Beacon ကျောင်းတော်ကြီး‌ဆီ လျှောက်လှမ်းလာကြမယ့် ကျွန်တော်တို့ရဲ့ ဇာတ်လိုက်ကျော်မလေး လေးယောက်နဲ့အတူ Vol.1 မှာစမြင်ရမယ့် ခေတ်လွန်ကာလတစ်ခုမှာပါ။ တစ်စက်မှကို စရိုက်ချင်းမတူ၊ စိတ်ချင်းလည်း ထပ်တူမကျကြတဲ့ Ruby Rose, Weiss Schnee, Blake Balladonna နဲ့ Yang Xiao Long တို့လေးယောက်သားဟာ ထင်မှတ်မထားတဲ့ များစွာ‌သော တိုက်ဆိုင်မှုတို့ကြောင့် ကျောင်းကသတ်မှတ်ပေးတဲ့ စာသင်နှစ်ကာလ တ‌လျှောက်လုံး အတူနေ၊ အတူစား၊ အတူသွား၊ အတူလေ့ကျင့်ရမယ့် အဖွဲ့တစ်ခုဖြစ်လာခဲ့ကြပါတယ်။

အမြဲလိုလို အချေအတင်ငြင်းခုန်မှုတွေကြောင့် စကားများနေကျ ထွန်းတောက်စသူတို့လေးတွေကို စောင့်‌ကြိုနေတဲ့ ကမ္ဘာကြီးနဲ့ သက်ရှိလူသားတွေကို အင်မတန်စက်ဆုပ်မုန်းတီးပြီး ကမ္ဘာ့အမှောင်မိုက် အနက်ရှိုင်းဆုံးသော အမှောင်ထုထဲ ကိန်းအောင်းနေတဲ့ တစ်ယောက်သောသူရဲ့ မငြိမ်းသေနိုင်တဲ့ အမျက်မီးစတို့ရဲ့လွင့်စင်ခြင်းဟာ သူတို့နဲ့ Remnant ကမ္ဘာကြီးအပေါ် ဘယ်လိုရိုက်ခတ်မှုမျိုးတွေရှိလာနိုင်မလဲ ဆိုတာကို ဇာတ်လမ်းအတက်အကျပေါင်းများစွာနဲ့ စောင့်မျှော်ကြည့်ရှုကြရမှာပါ။

------------------------------------------------------------

RWBY Trailers &

Main Characters' Introduction Posts

RWBY “Red” Trailer DDL &

Ruby's Character Introduction

Mega / Facebook Post

RWBY “White” Trailer DDL &

Weiss's Character Introduction

Mega / Facebook Post

RWBY “Black” Trailer DDL &

Blake's Character Introduction

Mega / Facebook Post